Аб гэтым піша нямецкае выданне Frankfurter Allgemeine Zeitung.
Паводле выдання, базы будуць створаныя ў пяці ўсходнееўрапейскіх краінах: Польшчы, Румыніі, Эстоніі, Латвіі і Літве. На гэтых базах будуць размешчаны 4 тыс. вайскоўцаў у складзе аддзелаў хуткага рэагавання.
Такім чынам кіраўніцтва Альянсу мае намер гарантаваць бяспеку сваіх чальцоў ад Расіі.
Раней абмяркоўвалася стварэнне толькі адной польскай базы, якая можа размяшчацца ў польскім горадзе Шчэцін.
Аднак пазней польскія чыноўнікі зрабілі заяву, што гэты праект не будзе рэалізаваны. А кіраўніцтва НАТО да расійскага ўварвання неаднаразова казала, што бяспека краін — суседзяў Расіі не патрабуе будаўніцтва новых баз.
Адзначаецца, што больш падрабязна планы аб стварэнні новых баз будуць абмяркоўвацца на саміце Паўночнаатлантычнага альянсу, які адбудзецца 4-5 верасня ва Уэльсе.
