112.by
У ноч з 1 на 2 верасня ў Мінску на стаянцы згарэлі тры аўтамабілі, паведаміў БелТА прэс-сакратар Мінскага гарадскога ўпраўлення МНС Віталь Дэмбоўскі.
Пажар адбыўся насупраць аднаго з дамоў на вуліцы Шабаны. Спачатку загарэўся адзін легкавы аўтамабіль, а затым і два іншыя.
«У выніку пажару аўтамабілі пашкоджаны цалкам. Таксама пашкоджаны бампер, лакафарбавае пакрыццё правых дзвярэй, шкло чацвёртага аўтамабіля. Прычына пажару высвятляецца», - растлумачыў Дэмбоўскі.
0
0
0
0
0
0