У інтэрв’ю тэлеканалу «Беларусь-1» Багавік распавёў, што цяпер карткі ўжо тэстуюцца ў адзінаццаці школах Мінска. Разлічвацца картай можна як у школьным буфеце, так і ў любым сталічным магазіне.
У той жа час бацькі заўсёды могуць кантраляваць выдаткі свайго дзіцяці — ім прыходзяць смс-паведамленні, што была праведзена аперацыя, пазначаецца сума і гандлёвы пункт.
Акрамя таго, картка навучэнца мае выкарыстоўвацца і ў якасці электроннага пропуску для ўліку часу. Гэта дапаможа сачыць за наведваннем заняткаў, а бацькам прыходзяць смс з інфармацыяй, калі іх дзіця прыходзіць у школу альбо калі ідзе дахаты. У найбліжэйшыя паўгода функцыянал карты будзе пашыраны: яе можна будзе выкарыстаць у якасці праязнога дакумента ў транспарце і як уваходны білет у бібліятэкі і музеі.
