Гомельскім гарадскім аддзелам Следчага камітэта Рэспублікі Беларусь завершана расследаванне крымінальнай справы па факце здзяйснення злачынстваў супраць палавой недатыкальнасці непаўналетніх і распаўсюджвання парнаграфічных матэрыялаў.
Следствам сабраны доказы па 15 эпізодах злачыннай дзейнасці жыхара Гомеля, 1973 года нараджэння, паведамілі ў Гомельскім абласным упраўленні Следчага камітэта.
У ходзе папярэдняга расследавання ўстаноўлена, што абвінавачаны з жніўня 2013 года па студзень 2014-га накіроўваў праз Інтэрнэт сваім знаёмым і дэманстраваў на асабістым камп'ютары відэазапісы парнаграфічнага характару, у тым ліку з удзелам непаўналетніх.
Следствам даказана, што абвінавачваны неаднаразова здзяйсняў гвалтоўныя дзеянні сэксуальнага характару ў дачыненні да двух непаўналетніх хлопцаў.
Знаходзячыся пад следствам, абвінавачаны адмовіўся ад паказанняў. Яго віна даказаная паказаннямі пацярпелых і сведак, вынікамі ператрусу, праведзенымі камп'ютэрна-тэхнічнай, мастацтвазнаўчай і судова-медыцынскай экспертызамі, а таксама ў сукупнасці з іншымі матэрыяламі справы.
Крымінальная справа накіравана ў суд для разгляду. Злачынца можа атрымаць да 13 гадоў зняволення.
