Станіслаў Шушкевіч |
Гэта так, але дасягнуць яны таго самага, што і рэаніматары іншых імпэрый — Рымскай, Аўстра‑Вугорскай, Асманскай і інш.
Прафэсіяналы й інтэлектуалы — не заўжды адно і тое ж. Прафэсіяналы патрэбныя рэжыму Лукашэнкі ў той жа ступені, у якой патрэбныя былі бальшавіцкім камісарам пасьля кастрычніцкага перавароту. Патрэбныя ня толькі ў эканоміцы, навуцы, тэхніцы, але і ў абласьцях ідэалёгіі. Апошнія, праўда, мусяць безагаворачна падтрымліваць уладны рэжым усімі праўдамі, якія знайсьці наўрад ці можна, і няпраўдамі, якія яны абавязаныя прыдумляць і выдаваць за праўду.
Сёньня ў Беларусі працягваецца вынішчэньне нацыянальнай эліты. Працягваецца рознымі спосабамі, напрыклад, гвалтоўнай русіфікацыяй, перакручанай адукацыяй, выштурхоўваньнем у эміграцыю й г.д. Спыніць працэс складана і пры традыцыйный беларускай дысцыплінаванасьці, працавітасьці і, як гэта ні дзіўна, пры высокім прафэсіяналізьме — доля высокакваліфікаваных працоўных у Беларусі ў некалькі разоў перавышае эквівалентны паказьнік у Расеі! За эквівалентную працу вы можаце зарабіць у Польшчы ў 3,5‑4 разы болей, чым у Беларусі, ня кажучы ўжо пра краіны Заходняй Эўропы або Канады і ЗША. Таму зьяжджаюць. Як правіла, пацьвярджаюць рэпутацыю беларусаў як добрасумленных, і, паўтараю, дысыцплінаваных, кваліфікаваных працаўнікоў. Многія сотні (!) маладых людзей вучацца ў ВНУ Польшчы, Чэхіі й іншых краін, зьяўляюцца саіскальнікамі навуковых ступеняў у прэстыжных унівэрсытэтах.
Пытаньне ў тым, ці вернуцца? Хто‑ніхто вернецца. Калі ж нармалізуецца палітычная абстаноўка, то вернуцца многія. А сёньня — зьяжджаюць. Кожны чацьвёрты шлюб у Палацы шлюбаў у Менску — з іншаземцам або іншаземкай.
Расейскае кіраўніцтва шалёна хоча зрабіць Беларусь сваёй губерніяй. Хаця б у кампэнсацыю за той нэгатыўны імідж, які яно мае як пераемнік рэжымаў, якія патапталі інтарэсы многіх народаў на тэрыторыі Расеі. Лукашэнка гэтым карыстаецца.
Так, даволі падобна. Адрозьненьне толькі ў тым, што большасьць незаконных дзеяньняў улады нават не прыкрываецца шырмай прыстойнасьці.
Крах адбудзецца да прапанаваных вамі вылучэньняў.