Жыхар вёскі Ходасы збіў пакаёўку ў гатэлі «Мсціслаў» і завалодаў 369,5 тыс. рублёў.
Пра гэта паведамілі ў аддзяленні інфармацыі і грамадскіх сувязей УУС Магілёўскага аблвыканкама.
27-гадовы мужчына, які быў неаднаразова судзімы, 9 верасня каля 23.50 увайшоў у гасцініцу «Мсціслаў», пырснуў з газавага балончыка ды збіў 50-гадовую пакаёўку, завалодаўшы 369,5 тыс. рублёў. Нападнік затрыманы.
Мсціслаўскім раённым аддзелам Следчага камітэта заведзена крымінальная справа па арт. 207 ч. 1 КК (Разбой). Правапарушальніку пагражае да 10 гадоў пазбаўлення волі з канфіскацыяй або без канфіскацыі маёмасці.
0
0
0
0
0
0
