Самая магутная за апошнія тры гады ўспышка адбылася на Сонца, воблака плазмы накіроўваецца ў бок Зямлі.
«Гэта быў гіганцкі выбух на Сонцы», — апісвае Том Бергер, дырэктар Цэнтра прагназавання касмічнага надвор'я ў Боўлдэры, штат Каларада.
Электрамагнітны выбух на Сонцы адбыўся ў ноч на 11 верасня.
Сіноптыкі пакуль не ведаюць, калі плазменнае воблака дасягне Зямлі і якая частка планеты будзе павернута да Сонца ў той момант.
Каб атрымаць больш інфармацыі, навукоўцы чакаюць звесткі са спадарожнікаў.
Разам з тым навукоўцы папярэджваюць, што цяперашняя ўспышка на Сонцы самая магутная з 2012 года. Яна можа прывесці да парушэння спадарожнікавай і радыёсувязі, а таксама пашкодзіць сістэмы энергазабеспячэння.
Астраномы бачаць і станоўчыя бакі ўспышкі. Хутчэй за ўсё плазма выкліча прыгожае паўночнае ззянне, якое можна назіраць з Зямлі.
