Узрост кожнага восьмага жыхара Японіі перавышае 75 гадоў, сведчаць звесткі Міністэрства ўнутраных спраў і камунікацый краіны.
Дадзеная статыстыка публікуецца штогод з нагоды нацыянальнага свята — Дня павагі старасці, які традыцыйна адзначаецца ў Японіі ў трэці панядзелак верасня.
Агульная колькасць японцаў 75 гадоў і старэйшых складае 12,5% ад усяго насельніцтва краіны, або 15,9 мільёна чалавек. Гэта самы высокі паказчык з 1950 года, калі пачалі весці такую статыстыку.
Больш за чвэрць грамадзян Японіі — 25,9%, або каля 33 мільёнаў чалавек — старэйшыя за 65 гадоў.
Сярэдняя працягласць жыцця мужчын у Японіі ў 2014 годзе ўпершыню перавысіла 80 гадоў і склала 80,21 года.
0
0
0
0
0
0