У Гомельскай вобласці папярэджана закупка ультрасучаснага абсталявання, у якім не было неабходнасці.
Як сказала старшы оперупаўнаважаны па асабліва важных справах галоўнага ўпраўлення па барацьбе з эканамічнымі злачынствамі МУС Беларусі Вераніка Пасмеццева, многія службовыя асобы падтрымалі ініцыятыву аб набыцці комплексу лазернага праецыравання для нанясення разметкі ў Палацы гульнявых відаў спорту ў Жлобіне. Пры гэтым Гомельскі выканкам на гэтыя мэты выдзеліў бюджэтныя сродкі — 1,7 млрд рублёў.
«Фактычна было ўхвалена набыццё ультрасучаснага абсталявання для спартыўнай пляцоўкі, на якой не тое што міжнародныя, нават рэспубліканскія спаборніцтвы не праводзіліся і ў найбліжэйшай перспектыве не планаваліся», — адзначыла Вераніка Пасмеццева.
Высветлілася, што эканамічных абгрунтаванняў для закупкі комплексу не было, Гомельскі аблвыканкам раней прынятае распараджэнне аб выдзяленні грашовых сродкаў прызнаў неправамоцным.
