Упраўленнем Следчага камітэта Рэспублікі Беларусь па Мінску расследуецца крымінальная справа аб здзяйсненні гвалтоўных дзеянняў сэксуальнага характару да дзвюх дзяўчат 2001 і 2002 года нараджэння, паведамляе сайт Следчага камітэта.
4 верасня ў Партызанскім раёне невядомы пачаў спробу здзейсніць гвалтоўныя дзеянні сэксуальнага характару ў адносінах да дзяўчынак, якія вярталіся са школы, паведамляе прэс-служба УСК па Мінску.
Пры гэтым мужчына не даў дзецям магчымасці разгледзець сябе. Адной з дзяўчынак удалося збегчы і паклікаць на дапамогу. Зламыснік збег.
Зараз жыццю і здароўю дзяцей нішто не пагражае.
У ходзе сумесных следчых дзеянняў і аператыўна-вышуковых мерапрыемстваў, праведзеных супрацоўнікамі УСК па г.Мінску і крымінальнага вышуку МУС і ГУУС Мінгарвыканкама,
асоба падазраванага вызначаная на працягу сутак, ён затрыманы.
Зараз з падазраваным праводзяцца неабходныя следчыя дзеянні. Па знойдзеных на месцы злачынства рэчыўных доказах прызначаныя адпаведныя экспертызы.
У мэтах прадухілення такіх злачынстваў, а таксама каб пазбегнуць любых негатыўных сітуацый з удзелам непаўналетніх, УСК па г.Мінску настойліва рэкамендуе бацькам шукаць любую магчымасць суправаджаць дзяцей ва ўстановы адукацыі і назад.
Калі гэта не ўяўляецца магчымым, варта арыентаваць дзяцей хадзіць групамі, лепш за ўсё ў суправаджэнні добра знаёмых старшакласнікаў.
Не варта таксама пакідаць непаўналетніх без увагі падчас гульняў у дварах і ў любых іншых сітуацыях.
Рэкамендацыі аб адказнасці за падапечных таксама датычаць педагогаў і выхавальнікаў, нагадвае УСК.
