Дэсантна-штурмавыя падраздзяленні Паветрана-дэсантных войск трэніраваліся на берагах Чукоткі, Камчаткі, Сахаліна й Курыльскіх астравоў. Але перад тым яны прайшлі на вялікіх дэсантных караблях каля 4 тысяч марскіх міль, паведамляе РІА «Новости».
На Далёкім Усходзе Расіі і ва Усходняй Сібіры з 11 верасня праводзіцца раптоўная праверка баявой гатоўнасці ўсяго склада расійскіх войск. У ёй удзельнічае да 100 тысяч вайскоўцаў. Таксама праводзіцца мабілізацыйная праверка рэгіянальных уладаў і федэральных інфраструктурных ведамстваў.
Эксперты выказвалі меркаванне, што гэта мог быць сігнал Пекіну, які мае вялізную перавагу ў жывой сіле на гэтым кірунку. Але высадка дэсанту на паўночных берагах сведчыць пра іншага патэнцыйнага праціўніка і іншыя задачы.
Маштабы манеўраў беспрэцэдэнтныя. Ніводная іншая краіна, акрамя Кітая, такіх манеўраў не праводзіць.
