Уладзімір Пуцін заявіў, што расійскія войскі здольныя захапіць Варшаву, Вільню і шэраг іншых сталіц краін ЕС і НАТА.
Пра гэта гаворыцца ў рэзюмэ замежнапалітычнай службы ЕС па выніках візіту Барозу ў Кіеў, піша нямецкая газета Süddeutsche Zeitung.
Як паведамляе выданне, Пуцін сказаў пра гэта прэзідэнту Украіны Пятру Парашэнку.
Парашэнка, у сваю чаргу, перадаў змест размовы прэзідэнту Еўрапейскай камісіі Жазэ Мануэлю Барозу.
«Калі б я хацеў, то за два дні нашы войскі былі б не толькі ў Кіеве, але і ў Рызе, Вільні, Таліне, Варшаве і Бухарэсце», — заявіў Пуцін Парашэнку.
Акрамя таго, як паведамляе нямецкае выданне, Пуцін параіў Парашэнку «не надта спадзявацца на ЕС», бо ён пры жаданні можа «паўплываць і заблакаваць прыняцце рашэння на ўзроўні Еўрапейскай Рады».
