У Мінску адкрываецца першая ў Беларусі Школа распрацоўкі інтэрфейсаў (ШРІ), навучанне ў якой будзе праводзіцца бясплатна. Аб гэтым паведамілі ў прэс-службе кампаніі «Яндэкс».
Школа распрацоўкі інтэрфейсаў — сумесны праект «Яндэкса» і БДУІР. Ён арыентаваны на студэнтаў сталічных ВНУ, маладых спецыялістаў і ўсіх тых, хто жадае паспрабаваць сябе ў гэтым перспектыўным кірунку. Спецыялісты «Яндэкса» дапамогуць слухачам пашырыць навыкі ў галіне фронтэнд-распрацоўкі, асвоіць новыя тэхналогіі і атрымаць вопыт каманднай працы над праектам. Заняткі вядуць супрацоўнікі «Яндэкса», якія робяць інтэрфейсы для Пошуку, Пошты, Дыска і іншых сэрвісаў найбуйнейшага пошукавага інтэрнэт-партала.
Навучанне ў школе будзе ўключаць і тэарэтычныя, і практычныя заняткі. Апошнія будуць праходзіць у эксперыментальным фармаце: слухачы змогуць прымяніць атрыманыя веды ва ўмовах, блізкіх да рэальнай каманднай працы. Праграма разлічана на два месяцы: працэс навучання стартуе ў сярэдзіне кастрычніка і працягнецца да снежня.
Будучым слухачам спатрэбяцца базавыя веды CSS, html, JavaScript і мінімальныя навыкі працы з імі. Каб стаць студэнтам ШРІ, неабходна прайсці конкурсны адбор, здаўшы да 28 верасня тэставае заданне на партале tech.yandex.ru.
«Мы заўважылі цікавасць да гэтага кірунку сярод студэнтаў і распрацоўшчыкаў-пачаткоўцаў і хочам падтрымаць яго, падзяліўшыся ведамі і вопытам, якія ёсць у «Яндэксе», – расказала Ганна Захарава, намеснік кіраўніка мінскага офіса кампаніі. — Такі праект дазволіць падрыхтаваць спецыялістаў, якія будуць лепш адаптаваныя да рэальных умоў фронтэнд-распрацоўкі».
Адкрыццё ШРІ ў Мінску — працяг адукацыйнай праграмы «Яндэкса» ў Беларусі. Тры гады таму ў Мінску быў адкрыты філіял Школы аналізу даных (ШАД) на базе факультэта прыкладной матэматыкі і інфарматыкі БДУ і мінскага офіса «Яндэкса». Школа распрацоўкі інтэрфейсаў ужо існуе ў Маскве, Сімферопалі і Екацярынбургу.
-
«Не проста запальваем, а адраджаем традыцыю». Ліхтаршчык з Брэста расказаў пра магію святла, гузік на ўдачу і старадаўнюю музыку
-
У вёсцы пад Брэстам мясцовыя жыхары рэгулярна канфліктуюць з адпачывальнікамі. Дайшло да абстрэлу электрамабіля
-
Беларусь займае другое месца па папулярнасці для студэнтаў з Расіі
Паветраная гімнастка паказала закуліссе працы ў Белдзяржцырку7
Каментары