Міністры абароны Украіны, Польшчы і Літвы заўтра ў Варшаве падпішуць дамову аб стварэнні сумеснай ваеннай брыгады ЛітПолУкрБрыг.
Пра гэта паведаміла прэс-служба польскага прэзідэнта ў чацвер.
Дагавор будзе падпісаны ў рэзідэнцыі Прэзідэнта Польшчы Браніслава Камароўскага пры яго ўдзеле.
Нагадаем, ідэя стварэння украінска-польска-літоўскай брыгады процідзеяння крызісным сітуацыях «ЛітПолУкрБрыг» паўстала ў 2007 годзе. Міністры абароны трох краін падпісалі ліст намераў аб стварэнні такой брыгады, у прыватнасці, для ўдзелу ў міратворчых місіях Еўрасаюза і НАТА, у лістападзе 2009 года, заяўляючы пра намер дамагчыся яе поўнай аперацыйнай гатоўнасці ў 2013 годзе.
Паводле папярэдніх дамоўленасцяў, украінскі бок планаваў вылучыць для сумеснага падраздзялення 545 вайскоўцаў, у тым ліку 18 афіцэраў у камандаванне брыгады, а таксама ваенную тэхніку.
