Кааператыўнае таварыства SWIFT лічыць, што рэзалюцыя Еўрапарламента па Украіне «з'яўляецца дыскрымінацыйнай і стварае няроўныя магчымасці».
Пра гэта гаворыцца ў афіцыйнай заяве кампаніі, апублікаванай на яе сайце.
Супольнасць сусветных міжбанкаўскіх тэлекамунікацый SWIFT заяўляе, што «любое ўзгадванне міжбанкаўскай сістэмы перадачы інфармацыі ў рэзалюцыі Еўрапарламента супярэчыць фундаментальнаму праву кампаніі на вядзенне ўласнага бізнэсу і праву на ўласнасць. Улічваючы гэта, прынятая рэзалюцыя «дыскрымінацыйная і стварае няроўныя магчымасці».
Таксама ў заяве падкрэсліваецца, што гэты дакумент наносіць шкоду рэпутацыі кампаніі.
«Наша місія застаецца нязменнай — быць глабальным і нейтральнай пастаўшчыком паслуг у фінансавай сферы», — гаворыцца ў заяве SWIFT.
Нагадаем, што 18 верасня Еўрапарламент прагаласаваў за рэзалюцыю ў дачыненні да Украіны, у якой гаворыцца аб магчымасці выключэння Расеі з грамадзянскага ядзернага супрацоўніцтва і міжбанкаўскай сістэмы перадачы інфармацыі SWIFT.