Старшыня Беларускай федэрацыі футбола Сяргей Румас, фота Прессбол
Сталіцы Беларусі не далі права праводзіць матчы чэмпіянату Еўропы па футболе 2020 г..
Пра гэта было вырашана сёння на пасяджэнні УЕФА ў Жэневе, дзе вызначыліся краіны, якія прымуць Еўра-2020. Такі фармат (без краіны-гаспадыні) быў абраны ў гонар 60-годдзя турніру.
У ліку 19 прэтэндэнтаў быў і Мінск, але ў сталіцы Беларусі пакуль няма стадыёна. Мінск прэтэндаваў на тры матчы групавога этапу, а таксама на сустрэчу 1/8 фіналу. Але УЕФА вырашыла не даваць Мінску такога права, паведамляе Прессбол.
Такім чынам матчы групавога раўнду і 1/8 фіналу правядуць: Капенгаген (Данія), Бухарэст (Румынія), Амстэрдам (Галандыя), Дублін (Ірландыя), Більбаа (Іспанія), Будапешт (Венгрыя), Брусэль (Бельгія), Глазга (Шатландыя).
1/4 фіналу і групавы раўнд: Мюнхен (Германія), Баку (Азербайджан), Санкт-Пецярбург (Расія) і Рым (Італія).
1/2 фіналу і фінал: Лондан (Англія).
