Арганізатары «кінапрагляду ў пераходзе» асуджаныя на некалькі сутак
Сёння ў Маскоўскім судзе Мінска адбыўся суд на арганізатарамі «кінапраглядаў у пераходзе».
Яны што кепскае рабілі? Кралі, ламалі? Пляваліся, мацюкаліся? Не, проста хацелі зладзіць незвычайнае культурнае мерапрыемства. Юнакі та цягнуцца да культуры.
І вось — Настасся Доль і Зміцер Латушкін былі асуджаныя па артыкулах 17.1 і 23.4 — «нецэнзурная лаянка» і «непадпарадкаванне супрацоўнікам міліцыі». Паводле выраку суддзі Таццяны Мотыль Настасся атрымала 6 сутак, Зміцер — 5.
«Нам поступила информация о проведении шествия или митинга в подземном переходе», — сведчыў у судзе мінскі спецназавец.
Сведкі, якія знаходзіліся за дзвярыма залы суда, паведамілі, што ў перапынку на азнаямленне з матэрыяламі справы Змітра адвялі ў кабінет суддзі і, верагодна, асудзілі ў гэты момант, без удзелу адваката і сведак.
Падтрымаць асужданых прыйшло каля 15 чалавек.
Нагадаем, што ўчора міліцыя затрымала каля 30 ўдзельнікаў мерапрыемства ў пераходзе каля журфака БДУ. Пазней усіх, акрамя агранізатараў, адпусцілі.
Тыдзень таму каля 25 чалавек былі затрыманыя падчас аналагічнага кінапрагляду ў парку Горкага.
Філіпенка расказаў, ад колькіх сваіх кніг адмовіўся б і чаму прадаў «Тэслу»2
Каментары