Гулец зборнай Расіі па валейболе, чэмпіён Еўропы Аляксей Спірыдонаў лічыць, што не абражаў польскіх заўзятараў на ЧС-2014.
— Я заўсёды лічыў палякаў нармальнымі людзьмі. Калі прыязджалі ў Польшчу з «Уралам», усё было выдатна. А тут зразумеў, што гэта гнілая нацыя.
— У адносінах да вас шуміха пачалася пасля твіта, дзе вы назвалі палякаў пшэкамі…
— Так. Прычым я не збіраўся іх крыўдзіць, там сэнс быў у тым, што ім не пашанцавала з лёсаваннем [зборная Польшчы ў выніку стала чэмпіёнам свету — НН].
Але яны ж пшэкі, у іх мова такая.
Яны нас называюць рускімі сабакамі. Гэта значыць не так крыўдна, як пшэк? Пра палякаў яшчэ Маякоўскі сказаў: «змяінаму народу — змяіная мова». Так што можна сказаць, што я працытаваў класіка.
— Плявок быў?
- Ну вядома не было! Што за глупства? Я б хутчэй ўрэзаў гэтаму дэпутату, а не пляваў у яго.
— Як ставіцеся да таго, што спорт пачынаюць палітызаваць?
— Я лічу, што гэта непаўнацэнныя людзі робяць. Як можна спартсмену казаць: «Вярніце Крым», або што яны там яшчэ крычалі?.. Ды я быў у Крыме адзін раз у жыцці, я наогул не ўнікаю ў тое, што там адбываецца, — распавёў Спірыдонаў у інтэрв'ю «Бізнэс-Online».