Недалёка ад вострава Сахалін ў заліве Аніва ў ходзе вучэнняў «Усход-2014» загінулі трое вайскоўцаў кантрактнай службы.
Паводле заявы прэс-службы Мінабароны Расіі, падчас дэсантавання з карабля на ўзбярэжжа марскі дэсант накрыла хваляй, адна з бронемашын пайшла пад ваду.
Усяго ў машыне знаходзілася 10 чалавек, сем з іх выратаваліся, трое — загінулі.
Камісія Міністэрства абароны працуе на месцы здарэння.
Стратэгічныя камандна-штабныя вучэнні «Усход-2014» стартавалі 19 верасня на Далёкім Усходзе. У іх прымаюць удзел каля 100 тысяч расійскіх вайскоўцаў.
0
0
0
0
0
0
