У сувязі з нізкім пасажырапатокам у Мінску 30 верасня закрываецца аўтобусны маршрут № 191 «ДС Паўднёвы Захад — Аўтарынак», паведамілі ў дзяржаўнай установе «Сталічны транспарт і сувязь».
«У перыяд працы аўтобуснага маршруту № 191 «ДС Паўднёвы Захад — Аўтарынак», арганізаванага ў якасці эксперыменту з 15 ліпеня 2014 года, было праведзена вывучэнне пасажырапатокаў шляхам падліку пасажыраў, якія ўваходзілі і выходзілі на кожным прыпыначным пункце. Аналіз матэрыялаў паказаў адсутнасць устойлівага пасажырапатоку як у напрамку ЗАТ «Гандлёвы мір «Кальцо», так і з боку праспекта газеты «Праўда» ў напрамку ўстаноў аховы здароўя, размешчаных па вуліцы Голубева. Паслугамі маршруту на працягу дня карыстаюцца адзінкавыя пасажыры», — растлумачылі ва ўпраўленні.
Вольны аўтобус будзе накіраваны для працы на маршруце № 75.