фота з сайта Следчага камітэта
Пра гэта паведаміла ў сённяшнім нумары газета «СБ — Беларусь сегодня». Гэта адбылося ў другой палове дня 2 кастрычніка.
Інфармацыю пра гэта TUT.BY пацвердзілі ў бальніцы, куды быў дастаўлены падазраваны пасля затрымання ў ходзе сілавой аперацыі. Маладому чалавеку вечарам 1 кастрычніка была праведзена аперацыя. 2 кастрычніка ён памёр у рэанімацыі.
Нагадаем, што налёт адбыўся днём 1 кастрычніка. 23-гадовы жыхар Мастоўскага раёна ўварваўся ў пункт абмену валют «Белсвісбанка» ў ГЦ «Шчасце» на праспекце Незалежнасці ў Мінску (ст. метро «Усход») падчас абедзеннага перапынку. Прабраўся ўнутр, пагражаючы касіру пісталетам Макарава.
Ён вылучыў патрабаванні: даць яму сысці з грашыма. У адваротным выпадку пагражаў забіць 18-гадовую дзяўчыну. Яна, ураджэнка Карэліцкага раёна, толькі два месяцы таму пераехала ў Мінск.
Пасля некалькіх гадзін беспаспяховых перамоваў было вырашана правесці сілавую аперацыю. Нападнік быў абясшкоджаны ў лічаныя хвіліны.
Закладніца падчас штурму не пацярпела. Ёй аказалі псіхалагічную дапамогу. Таксама паведамлялася, што налётчык паранены ў галаву.