На выбарах у сейм Латвіі лідзіруе сацыял-дэмакратычная партыя «Згода», якая прадстаўляе інтарэсы рускамоўных жыхароў краіны. Аднак яна прыкметна знізіла вынік у параўнанні з мінулымі выбарамі.
Мэр Рыгі Ніл Ушакоў.
Як сведчаць дадзеныя ЦВК па выніках апрацоўкі пратаколаў з 98% участкаў, «Згода» набірае 23,26% галасоў. Правацэнтрысцкая партыя «Адзінства» — 21,62%. А Саюз зялёных і сялян, іншая партыя з урадавай кааліцыі, — 19,74.
Акрамя таго, у парламент праходзіць нацыяналістычны блок «Усё для Латвіі! — Айчыне і свабодзе / Рух за нацыянальную незалежнасць Латвіі», які таксама ўваходзіў ва ўрад, з рэкордным для сябе вынікам 16,5%.
Адносна новая партыя «Ад сэрца — Латвіі» набірае 6,9%.
Партыю «Згода» ўзначальвае мэр Рыгі Ніл Ушакоў.
За 100 месцаў у заканадаўчым сходзе змагаліся 13 палітычных партый і аб'яднанняў краіны.