Амурскі тыгр Кузя, выпушчаны Пуціным на волю, збег у Кітай
Літаральна за некалькі сутак да дня нараджэння Уладзіміра Пуціна амурскі тыгр па мянушцы Кузя, якога прэзідэнт Расіі выпусціў на волю ў маі гэтага года, зрабіў непрыемны сюрпрыз: у пошуках ежы драпежнік перайшоў расійска-кітайскую мяжу.
Пра «уцёкі» Кузі паведаміў намеснік начальніка ўпраўлення Распрыроднагляду ў Яўрэйскай аўтаномнай вобласці Васілій Гарабейка. Паводле яго звестак, у верасні ў пошуках ежы жывёла перайшла ў Яўрэйскую аўтаномію, а 5 кастрычніка пераплыла Амур.
Пакуль аб месцы знаходжання тыгра дакладна не вядома, аднак расійскі бок збіраецца звярнуцца да Кітая з нагоды «тыгра прэзідэнта Пуціна» па каналах МЗС РФ.
Праўда, пакуль інфармацыя дойдзе да мясцовых егераў і абаронцаў жывёл, з Кузяй можа што-небудзь здарыцца, бо кітайскія фермеры наўрад ці прызнаюць у ім асобу, некалі набліжаную да расійскага прэзідэнта.
Больш за тое, тыгру хутчэй за ўсё не атрымаецца пазбегнуць сустрэчы з людзьмі, бо гэты раён Кітая — густанаселены.
Уцёкі Кузі — першы зарэгістраваны ў гэтым стагоддзі выпадак пераправы драпежніка праз Амур у перадгор'і Малога Хінгана. У апошнія гады з Расіі ў Кітай тыгры рэгулярна заходзілі праз раку Усуры. Заўважым, што ў гэтым раёне Кітая прадугледжаны шчодрыя кампенсацыі мясцовым сялянам за забітых тыграмі кароў і іншую жывёлу.
Цяпер чытаюць
«Вайна ўсё спіша». Беларускім удзельнікам гей-прайда ў Вільні пагражалі расправай ад імя беларускіх ваяроў за выкарыстанне бела-чырвона-белага сцяга219219
Каментары