Самалёт L-410 выглядае так
Унутры салона
У Беларусі з'явіцца другая міжнародная пасажырская авіякампанія, якая стане канкурэнтам «Белавіі». Пра гэта днямі заявіў міністр транспарту і камунікацый Анатоль Сівак.
Развіваць пасажырскія перавозкі даручылі авіякампаніі «Гродна», якая дагэтуль спецыялізуецца найперш на грузаперавозках. У будучыні яна зменіць назву.
Як інфармуе партал tut.by, цяпер абмяркоўваюцца пытанні па мадэрнізацыі авіякампаніі, ствараецца бізнес-план. На першым этапе будуць арганізоўвацца пасажырскія перавозкі з абласных цэнтраў у Мінск і, верагодна, у Варшаву, Калінінград і Вільню.
«Гродна» плануе пачаць перавозкі на невялікіх самалётах L-410 ужо ў 2015 годзе. З іх набыццём авіякампаніі дапаможа Міністэрства транспарту.
0
0
0
0
0
0