У сезоне-2014 каманды сустракаліся тры разы: двойчы была зафіксавана нічыя (0:0, 0:0, у Барысаве), а ў Мінску перамог БАТЭ (2:0), фота Дзмітрыя Брушко, Tut.by
1 лістапада 2014 г. надоўга можа запомніцца беларускім футбольным заўзятарам. У 14.00 на мінскім стадыёне «Трактар» пройдзе чацвёртае «класіка» ў сезоне, у якім, магчыма, мы даведаемся імя будучага чэмпіёна Беларусі па футболе. Мінскае «Дынама» прымае барысаўскі БАТЭ.
Пасля 28 тураў: БАТЭ — 61, Дынама Мінск — 60, Шахцёр — 44…
Усяго ў чэмпіянаце будуць згуляныя 32 туры (таксама — 9, 23, 30 лістапада).
Матчу «Дынама» — БАТЭ папярэднічалі бурныя, часам эмацыйныя выказванні каманд і федэрацыі футбола адносна даты і часу правядзення гульні. На шчасце і радасць заўзятараў, розум і здаровы сэнс перамаглі і гульню перанеслі з пятніцы, 31 кастрычніка, на суботу, 1 лістапада. Гэта добрая нагода правесці гэты час на стадыёне, тым больш сіноптыкі абяцаюць сухое надвор'е.