Легенда сусветнага бокса амерыканец Майк Тайсан публічна распавёў пра тое, што ў дзяцінстве стаў ахвярай гвалтаўніка.
Пра гэта паведамляе Delfi са спасылкай на TMZ.
«Мне было сем гадоў. Мужчына схапіў мяне на вуліцы. Ён здзекаваўся з мяне, сэксуальна здзекаваўся», — распавёў Тайсан у інтэрв'ю радыёстанцыі Opie Radio.
Баксёр растлумачыў радыёвядучаму, што гэты выпадак адбыўся адзін раз. Ён уцёк ад гвалтаўніка, якога ён назваў «выродлівым старым», і больш ніколі не бачыў яго, у паліцыю пра інцыдэнт паведамляць не стаў.
«Я памятаю пра гэта, але ў той жа час і не. Я не адчуваю ганьбы ці сораму з гэтай нагоды», — адзначыў Тайсан.
0
0
0
0
0
0