На мінскім рынку жытла ўсталявалася цэнавае плато, якое характарызуецца слабымі ваганнямі цэн і збалансаванымі суадносінамі попыту і прапановы.
Цэны па-ранейшаму высокія, але на першасным рынку з'явіліся прапановы 1-пакаёвых кватэр паменшанай плошчы коштам ад 50 да 55 тысяч даляраў, што яшчэ год таму было немагчыма ўявіць.
Нягледзячы на кошты, менчукі не спяшаюцца купляць самае таннае жытло. Існуе думка, што беларусы сёння могуць сабраць дадатковыя сродкі, каб купіць больш камфортную нерухомасць. Адсутнасць ільготнага крэдытавання і высокая прапанова кватэр на рынку ўраўнаважваюцца параўнальна высокімі даходамі насельніцтва. У выніку, сціплыя «хрушчоўкі» лідзіруюць па зніжэнні коштаў з пачатку года, а доля здзелак з кватэрамі ў каркасных і цагляных дамах, а таксама «сталінках» вырасла.
Разбежка ў коштах на кватэры ў новабудоўлях вялікая. Калі выключыць месцазнаходжанне аб'екта і яго тэхнічныя характарыстыкі, то варыяцыя будзе цалкам залежаць ад тэрміну ўводу аб'екта ў эксплуатацыю. Гатовыя аб'екты прадаюцца па цэнах другаснага рынку, уступіць у долевае будаўніцтва на ўзроўні катлавана сёння можна пры цэнах $1300—1400 за 1 кв.м.
Наогул, у канцы лета 2014 г. у Мінску цэны на кватэры практычна не зніжаліся.
Насуперак вялізнай прапанове на другасным рынку — у 7000 кватэр — попыт застаецца высокім. Так, за студзень—жнівень 2014 года ў сярэднім заключалася 870 здзелак куплі-продажу кватэр за месяц, што з’яўляецца даволі высокім паказчыкам.
На думку аналітыкаў, у перадвыбарчы год, з яго дадатковым фінансаваннем эканомікі, рэзкага зніжэння коштаў на кватэры ў сталіцы чакаць не варта. На высокія кошты будзе ўплываць і іншы важны чыннік — міграцыйны прыток ў сталіцу.
