Грамадства133133

Арт-дырэктар «Дазары»: «Я нічога не разумею па-беларуску. Нічога каментаваць не буду»

1 лістапада ў мінскім клубе «Дазары» прайшла тэматычная вечарына «Рускім быць модна». На 2 і 3 лістапада намечанае мерапрыемства пад назвай Russian night (Руская ноч). На афішы намаляваны Пуцін, аўтамат Калашнікава, матрошкі і Крэмль.

На сайце «Дазары» напісана: «Эх, душа руская! На прасторах Dozari сёння зможа разгуляцца сапраўды патрыёт рускага каларыту: матрошкі будуць нясціпла пасміхацца, а запацелая чарка ды пад балалайку прыхарашыць асеннюю ноч. Калі ўнутры вас жыве агеньчык неўтаймоўнай рускай весялосці, сапраўднага гарэзнага вісуса і гулякі — запрагайце санкі, народ, ды імчыцеся ў Dozari, дзе рускім быць модна!»

Мы патэлефанавалі ў клуб «Дазары», дзе нам паведамілі, што за вечарыну адказваў арт-дырэктар установы Аляксандр «Саўнд» Кроітар (на фота ніжэй). Мы патэлефанавалі яму, каб даведацца, у чым быў сэнс гэтага мерапрыемства.

«Аляксандр, добры дзень. З газеты «Наша Ніва» вас турбуюць. Ці не маглі б вы пракаментаваць вечарыны «Рускім быць модна» і «Руская ноч» у клубе «Дазары»? Яны выклікаюць неадназначную рэакцыю ў грамадстве».

«Я ни слово не понял из того, что вы мне сказали».

«Вы не разумееце дзяржаўную мову Рэспублікі Беларусь?»

«Я русский, из Сибири».

«Але ж Вы знаходзіцеся на тэрыторыі Беларусі».

«Какая разница, где я нахожусь», — адказаў Аляксандр.

Пасля яшчэ колькіх фраз перапытваюся гэта ж самае толькі па-руску. Арт-дырэктар папытаўся, у чым неадназначнасць вечарыны.

«Ведаеце, не на кожнай афішы ёсць Пуцін і аўтамат Калашнікава».

«Я ўстрымаюся ад каментароў».

«А вечарыну «Беларусам быць модна» вы будзеце праводзіць?»

На гэтым спадар Кроітар паклаў слухаўку. Спробы дазваніцца да арт-дырэктара «Дозары» яшчэ раз плёну не мелі, ён проста не адказваў.

Каментары133

 
Націсканне кнопкі «Дадаць каментар» азначае згоду з рэкамендацыямі па абмеркаванні.

Польшча прызнала Аляксандра Машэнскага непажаданай асобай27

Польшча прызнала Аляксандра Машэнскага непажаданай асобай

Усе навіны →
Усе навіны

Маштабны збой у трох беларускіх банках: з рахункаў знікаюць грошы9

Пад Мінскам машына збіла лася — загінулі два чалавекі, пацярпеў вядомы комік2

У Расіі хлопец на «Лексусе» эфектна вылятаў на набярэжную дзеля прыгожага відэа. Загінуў сам і дзве сяброўкі15

«Вітаем на радзіме». Беларус распавёў пра затрыманне на мяжы за лайк і сапсаваны адпачынак10

У Італіі знайшлі цела 18-гадовай украінскай студэнткі. У дзень смерці ёй адмовілі ў працягу стажыроўкі

Начальнік сувязі 8-й арміі загінуў у выніку ўдару ўкраінскімі ракетамі

Толькі адзін выпускнік здаваў цэнтралізаваны экзамен па гэтым прадмеце3

Наталля Пяткевіч працягвае выгульваць амерыканскі гардэроб16

Кінолаг расказала пра просты тэст на выхаванасць сабакі1

больш чытаных навін
больш лайканых навін

Польшча прызнала Аляксандра Машэнскага непажаданай асобай27

Польшча прызнала Аляксандра Машэнскага непажаданай асобай

Галоўнае
Усе навіны →

Заўвага:

 

 

 

 

Закрыць Паведаміць