БТ зняла з эфіру cкандальнага прапагандыста Яўгена Новікава
Пра гэта сам тэлевядучы паведамляе ў сваім відэаблогу на расійскім неанацысцкім сайце kramola.ru.
«Ад 27 кастрычніка перадача «Правы чалавека: погляд у свет» знятая з эфіру. Скажу адразу, што галоўная прычына – гэта мая прынцыповая пазіцыя па сітуацыі ва Украіне, дзе галаву падняў неанацызм і бандэраўцы. Яны гэтага і не хаваюць, дык чаму мы павінны пад іх падстройвацца? Прызнаць сёння неанацызм і бандэраўшчыну, як нормы жыцця, для мяне асабіста — за межамі дабра і зла», — сказаў сп.Новікаў.
Ён мае намер далей працягваць весці відэаблог на «Крамоле». Па сваім пасыле і матэрыяле гэта мала чым адрозніваецца ад перадачы «Правы чалавека».
Варта нагадаць, што ў сярэдзіне кастрычніка Нацыянальная рада па пытаннях тэлебачання і радыёвяшчання Украіны заявіла пра магчымую забарону на вяшчанне на тэрыторыю Украіны тэлеканалаў «Беларусь-24» і «365 дней» (Расія). «Вынікі маніторынгу сведчаць аб наяўнасці ў перадачы «Правы чалавека» антыўкраінскай прапаганды», — паведамілі ў Нацрадзе.
Падчас працы на БТ Яўген Новікаў стварыў мноства прапагандысцкіх ролікаў. Асабліва запомнілася ягонае выказванне, што «амерыканскія дзеці з галадухі ядуць пацукоў».
Арыштаваны дырэктар Палаца Рэспублікі, адзін з арганізатараў Марафона адзінства9
Каментары