Як паведамляе УУС Гродзенскага аблвыканкама, 23 лістапада пры руху з боку вёскі Брузгі кіроўца «Нісана» парушыў правілы праезду скрыжавання. Выязджаючы на галоўную дарогу, ён праігнараваў патрабаванні дарожнага знака. Пры павароце ў бок вёскі Падліпкі атрымаў вельмі моцны ўдар ад пазадарожніка «Міцубісі» ў правы бок.
Кіроўца пазадарожніка амаль не пацярпеў, чаго немагчыма сказаць пра ўсіх у салоне легкавога «Нісана». Пасажырка з задняга сядзення, куды прыйшлася асноўная сіла ўдару «Міцубісі», памерла на месцы аварыі. Кіроўца «Нісана», яго жонка, а таксама двое пасажыраў, ні адзін з якіх на заднім сядзенні не быў прышпілены, шпіталізаваныя.
0
0
0
0
0
0
