Пасол Беларусі ва Украіне Валянцін Вялічка быў выкліканы ў Міністэрства замежных спраў у сувязі з інцыдэнтамі з украінскімі сцягамі на канцэрце «Океана Ельзи» ў Менску.
Як паведаміў прэс-сакратар украінскага МЗС Яўген Перабійніс, «учора была размова з паслом Беларусі. Тлумачэнне было такое ж, як і МЗС Беларусі ў Твітары — што існуюць інструкцыі, якія забараняюць выкарыстанне сцягоў на такіх масавых мерапрыемствах». «Але тут нават справа не ў інструкцыях, а ў тым, што, сапраўды, была прадэманстраваная непавага да дзяржаўных сімвалаў сяброўскай суседняй краіны. Менавіта ў гэтым і было нашае пытанне. Таму мы спадзяемся, што будуць зробленыя пэўныя высновы», — падкрэсліў прэс-сакратар МЗС Украіны.
0
0
0
0
0
0
