Князь М.Радзівіл, гаспадар двара Кухцічы, Ігуменскага павета, надоечы забіты на вайне. М.Радзівіл быў жанаты з княгіняй Магдаленай Радзівіл, якая лічыць сябе за беларуску і мае ў Ігуменскім павеце каля 1,500 валок зямлі. Пры перавозе цела забітага князя праз Мінск 24 лістапада, беларусы палажылі вянок на труну з надпісам: «Князю Мікалаю, сыну зямлі беларускай. Беларусы». І на другой стужцы: «Лёгка зямелька табе, княжа, у роднай забытай старонцы».
«НН». №47. 1914.
Шчэ нэ вмэрла. Тры дні ва Украіне ішла вайна нерваў. Улады не маюць сродкаў, каб задушыць народнае паўстанне. Дэманстранты не маюць досыць сілы, каб узяць пад кантроль Адміністрацыю прэзідэнта, ЦВК і тэлебачанне. Кучма спадзяецца, што рэвалюцыя выдыхнецца.
«НН». №44. 2004.
0
0
0
0
0
0
