Камандуючы сухапутнымі сіламі НАТА ў Еўропе генерал Філіп Брыдлаў заявіў, што мілітарызацыя анэксаванага Расіяй Крыма можа быць выкарыстана для ўсталявання расійскага кантролю над усім басейнам Чорнага мора.
Выступаючы ў Кіеве, генерал Брыдлаў сказаў, што вайсковыя аб'екты, якiя ствараюцца ў Крыме, будуць аказваць уплыў на ўвесь Чарнаморскі басейн.
У сераду расійскае міністэрства абароны заявіла, што ў Крыме размешчана 14 знішчальнікаў-бамбавікоў у рамках эскадрыллі ў складзе 30 баявых машын, якія будуць базавацца на паўвостраве.
Гэтыя самалёты былі перадыслакаваныя на авіябазу Бельбек з баз у Краснадарскім краі.
У аўторак генерал Брыдлаў заявіў, што на ўсходзе Украіны прысутнічае вялікая колькасць расійскіх вайскоўцаў, якія навучаюць і кансультуюць сілы сепаратыстаў.
