 Гжэгаж Худэк |
Як паведамлялася раней, на пачатку лістапада мясцовыя ўлады без тлумачэння прычын адмовілі ксяндзу Худэку ў далейшай рэгістрацыі. Паводле неафіцыйнай версіі, прычынай гэтага сталі выказванні святара аб сацыяльных праблемах у Рэчыцы, апублікаваныя ў польскай газеце «Tygodnik wsсhodni».
З просьбай змяніць рашэнне ў дачыненні да Г.Худэка да старшыні Рэчыцкага райвыканкама звяртаўся апостальскі адміністратар Пінскай дыяцэзіі кардынал Казімір Свёнтак. Апрача таго, прыкладна 700 вернікаў Гомельскай вобласці падпісаліся пад зваротам да Аляксандра Лукашэнкі з просьбай падоўжыць рэгістрацыю для настаяцеля Рэчыцкага касцёла. Аднак з усіх дзяржструктур прыйшлі амаль аднатыпныя адказы — вырашэнне гэтага пытання знаходзіцца не ў іх кампетэнцыі.
Між іншым, як паведаміў БелаПАН дэкан Гомельскага дэканата ксёндз Славамір Ляскоўскі, пошук новага настаяцеля для рэчыцкага касцёла Святой Тройцы практычна завершаны. Хутчэй за ўсё, ім зноў будзе святар з Польшчы.
