Экс-прэм'ер Польшчы Дональд Туск, які ў снежні стане новым старшынёй Рады ЕС, у інтэрв'ю газеце Financial Times назваў Расію «стратэгічнай праблемай».
«Для Пуціна і Расіі сёння ЕС з'яўляецца праблемай. Мы павінны зразумець, і я мяркую, мы блізкія да гэтага, што Расія не наш стратэгічны партнёр. Расія — наша стратэгічная праблема», — сказаў Туск выданню.
Па словах Туска, ён быў упэўнены пасля саміту НАТА ў 2008 годзе, што «геапалітычная гульня паміж Расіяй і Еўропай, Расіяй і Польшчай разыгрывалася вакол Украіны».
На саміце НАТА ў 2008 годзе было заяўлена аб магчымасці прыняцця Украіны ў склад альянсу. Расія выказалася супраць гэтага кроку.
0
0
0
0
0
0
