Баскетбалісты «Цмокі-Мінск» ва ўпартай барацьбе ў авертайме прайгралі ў гасцях валгаградскаму «Краснаму Акцябру» ў матчы Адзінай лігі ВТБ, паведамляе сайт лігі.
Цмокі гулялі на роўных з гаспадарамі. На вялікі перапынак яны сышлі, саступаючы ўсяго два пункты гаспадарам 37:39. Пасля моцна адсталі. Аднак у чацвёртай дзесяцімінутцы мінчукі здолелі перахапіць ініцыятыву і здагнаць сапернікаў, перавёўшы гульню ў авертайм. Але на дадатковыя 5 хвілін у нашых не хапіла сіл і яны прайгралі - 88:92 (14:18, 23:21, 16:17, 23:10, 12:16).
У цмокаў найбольш выніковым быў Бранка Міркавіч. Ён набраў 27 пунктаў і зрабіў 7 перадач.
Гэта восьмае паражэнне беларускай дружыны ў 9 праведзеных сустрэчах Адзінай лігі ВТБ.
9 снежня «Цмокі» правядуць сустрэчу Еўрачэленджу з «Шаўлямі».
Заключны паядынак на групавым этапе Еўрачэленджу «Цмокі-Мінск» правядуць 16 снежня на сваёй арэне супраць «Енісея».