Былы форвард клуба Нацыянальнай хакейнай лігі (НХЛ) «Манрэаль Канадыенс» Жан Беліво пайшоў з жыцця ва ўзросце 83 гадоў.
Беліво выступаў у складзе «Манрэаля» на працягу дваццаці сезонаў — з 1951 па 1971 гады. Гулец правёў за «Канадыенс» 1287 матчаў, у якіх закінуў 586 шайбаў і зрабіў 809 галявых перадачаў.
Форвард з'яўляецца дзесяціразовым уладальнікам Кубка Стэнлі, з 1972 года ўваходзіў у Залу славы хакея, 14 разоў прымаў удзел у матчы ўсіх зорак НХЛ.
У гонар Беліво названы трафей, які ўручаецца найлепшаму бамбардзіру рэгулярнага сезону Галоўнай юніёрскай хакейнай лігі Квебека — «Жан Беліво Трофі».
0
0
0
0
0
0
