Паведамляецца пра гібель шасці спецназаўцаў і сямі партызанаў.
Спецаперацыя, якая ідзе ў цэнтры Грознага, будзе завершана да раніцы, абяцаў у сваім «Інстаграме» кіраўнік Чачні Рамзан Кадыраў, заклікаўшы жыхароў горада захоўваць спакой. Аднак па стане на раніцу бой працягваўся. Ён перамясціўся з будынку Дома Друку ў суседнюю школу.
Чытайце таксама:
Антытэрарыстычны камітэт: Усе баевікі-нападнікі ў Доме друку ў Грозным знішчаныя
Баевікі, якія напалі на сілавікоў у Грозным, уваходзяць у групоўку Аслана Бютукаева
У ноч на чацвер у цэнтры Грознага група ўзброеных людзей атакавала паліцыянтаў.
Пазней узброеная група захапіла Дом друку ў Грозным, дзе месцяцца рэдакцыі СМІ. Яшчэ пазней уначы баевікі занялі суседнюю школу, дзяцей там у гэты час не было.
У цэнтры чачэнскай сталіцы быў абвешчаны рэжым контртэрарыстычнай аперацыі. У горад увайшлі БТРы.
Будынак Дома друку быў цалкам акружаны. Да месца здарэння з'ехаліся прадстаўнікі практычна ўсіх сілавых структур Чачэнскай рэспублікі.
Паводле інфармацыі прэс-службы МУС Чачні, у Доме друку ў цэнтры Грознага застаюцца заблакаванымі да шасці баявікоў.
Як заявіў чачанскі лідар, у горадзе абстаноўка спакойная, працуюць усе службы забеспячэння.
«Я прашу жыхароў горада ў зоне правядзення аперацыі выконваць меры засцярогі, без асаблівай патрэбы не выходзіць на вуліцы, не падыходзіць да вокнаў. З надыходам раніцы аперацыя будзе завершана», — напісаў Кадыраў на сваёй старонцы ў сацсетцы.
Сёння Уладзімір Пуцін мае выступіць са зваротам да Федэральнага сходу Расіі. Баевікі выбралі для нападу менавіта ноч перад гэтай датай.
Ціханоўскі расказаў, што трэба было рабіць у жніўні 2020-га60
Каментары