З галоўных новаўвядзенняў — зараз у метро нельга знаходзіцца ў навушніках і з радыёпрымачом. Босымі ў метрапалітэн і так ніхто, здаецца, не хадзіў.
Пасажырам метро таксама забараняецца «бегаць па прыступках лесвічных спускаў і платформах». Але хадзіць па эскалатарах не забараняецца.
Пасажырам забараняецца парушаць спакой іншых людзей: напрыклад, іграць на музычных інструментах, ездзіць па станцыі на роварах, ролікавых каньках і іншых падобных сродках (за выключэннем інваліднай каляскі).
Асобны пункт у правілах метрапалітэна цяпер прысвечаны надгляду пасажыраў. Пры адмове даць багаж для надгляду пасажыра маюць права не пусціць у метро. Апошняе новаўвядзенне звязана з пільнасцю пасля тэракта ў мінскім метро ў 2011 годзе.
0
0
0
0
0
0
