Грамадскага актывіста, лідара «Альтэрнаты» Алега Корбана, якога сёння затрымалі для адбыцця 10-суткавага арышту «за жнівень» (вывешванне бел-чырвона-белага сцяга ў Дзяржынску) адпусцілі з міліцыі.
Пра гэта ён сам напісаў у сваім фэйсбуку
«Хм, пратрымалі 4 гадзіны ў міліцыі і адпусцілі. Павінны былі даставіць у ЦІП [цэнтр ізаляцыі правапарушальнікаў на Акрэсціна], за мной 10 сутак яшчэ жніўня, але адпусцілі. Аказваецца на ЦІПе няма свабодных месцаў. Дзяжурны ў РАУС развёў рукамі, сказаў, каб я чакаў новага сігналу ад участковага, на днях… Такая вось гісторыя, іду дадому», — напісаў Корбан.
на фота Алег Корбан (у цэнтры) з паплечнікам 26.07.2013 вывешваюць нацыянальны сцяг каля ўнівермага «Беларусь» да 23-х угодкаў прыняцця Дэкларацыі аб дзяржаўным суверэнітэце. Фота Сяргея Гудзіліна.
