Кіраванне здзяйсняецца так жа, як на іншых Android-прыладах: праз наэкранныя кнопкі. Праграміст трапна кіруе героем нягледзячы на тое, што дыяганаль дысплэя – усяго 1.6’’ (звычайны памер сённяшніх смартфонаў – 4-5’’).
Гульня на разумным гадзінніку цалкам функцыянуе. Праўда, злёгку прытарможвае.
Гадзіннік праграміста працуе на аперацыйнай сістэме Android 5.0. Падрабязную інструкцыю па ўсталёўцы Android-праграм на разумны гадзіннік Дэвенпорт выклаў на сваім сайце.
***
На планшэты і смартфоны афіцыйна перанесена нямала класічных відэагульняў з камп’ютараў і кансоляў: некалькі частак Grand Theft Auto (GTA III, Vice City, San Andreas), некалькі гульняў серыі Final Fantasy, Worms, Carmageddon, Baldur's Gate (першая і другая часткі), Bard’s Tale, XCOM: Enemy Unknown, Syberia, Max Payne і і многія іншыя.
