Як паведамляе аператар, 15 студзеня падвысяцца цэны на інтэрнэт-трафік, а 29 студзеня – на некаторыя галасавыя і дадатковыя паслугі.
Новыя цэны будуць апублікаваныя ў дні падаражанняў.
Абаненты, якія падключаліся на прапановы з абавязкамі да 15 і 29 студзеня адпаведна, захаваюць старыя ўмовы аплаты да канца сваіх абавязкаў.
Падвышэнне цэн абумоўленае задачай падвышэння якасці сувязі і развіцця сеткі ды прадуктовага профілю, сцвярджае life:). «Мы і далей будзем захоўваць за сабой ролю наватара на рыну тэлекамунікацый. Для нас прыярытэтным ёсць захаванне высокіх стандартаў якасці паслуг, што прадстаўляюцца», – сцвярджаецца ў прэс-рэлізе.
Іншыя аператары таксама падвышалі тарыфы ў канцы года. З 1 верасня цэны падвысіліся ў МТС, а з 27 лістапада – у velcom.
Чытайце таксама: Дзевяць простых крокаў, якія дазволяць менш плаціць за мабільную сувязь