У аўторак ноччу ў бальніцы ў Вільні памёр кампазітар Томас Дабравольскіс, які быў жорстка збіты на вуліцы ў калядныя святы.
Дэпартамент паліцыі паведамляе, што 48-гадовы Дабравольскіс памёр у 3:40.
Дабравольскіс быў збіты ноччу 24 снежня каля 3 гадзіны ночы ў Вільні, на вул. Вінгру, каля начнога бара, і з траўмай галавы дастаўлены ў бальніцу. Кампазітар быў у коме.
Віленская паліцыя неўзабаве затрымала шасцярых маладых людзей, якія падазраюцца ў збіцці кампазітара, які гуляў з сабакам.
Пракуратура перакваліфікавала справу. Хуліганам пагражае пазбаўленне волі на тэрмін ад васьмі да дваццаці гадоў, або пажыццёвае.
0
0
0
0
0
0