Свет3939

Нападнікі, што забілі 12 чалавек у рэдакцыі часопіса ў Парыжы, крычалі «Алах Акбар»

AFP

Тэлеканал France 2 апублікаваў відэа атакі на рэдакцыю сатырычнага часопіса Charlie Hebdo на бульвары Рышар-Ленуар у цэнтры Парыжа, ажыццёўленай у сераду, 7 студзеня. На запісе чуваць, як адзін з нападнікаў падчас стральбы крычыць «Алах Акбар».

Па словах паліцыянтаў, асобы, якія стралялі, таксама крычалі, што «адпомсцілі за прарока», паведамляе Agence France-Press у твітары.

Па апошніх дадзеных праваахоўных органаў, якія прыводзіць Reuters, у выніку нападу загінулі 12 чалавек, у тым ліку двое афіцэраў паліцыі. Па звестках Le Figaro, забітыя чатыры карыкатурысты часопіса — акрамя Стэфана Шарбано, гэта мастакі, што малявалі пад псеўданімамі Cabu, Tignous і Wolinski.

Незадоўга да нападу на рэдакцыю ў Twitter'ы выдання была апублікаваная карыкатура на лідара радыкальнай групоўкі «Ісламская дзяржава» Абу Бакр аль-Багдадзі, якая суправаджаецца подпісам «З найлепшымі пажаданнямі, дарэчы».

Еўраньюс таксама паведамляе, што магчыма прычынай нападу мог стаць апошні нумар часопіса, дзе быў апублікаваны прагноз пісьменніка Мішэля Уэльбека, дзе выказвалася меркаванне, што ў 2022 г. прэзідэнтам Францыі можа стаць ісламіст.

Прэзідэнт Францыі Франсуа Аланд, які прыбыў на месца здарэння, назваў атаку тэрактам.

Нападнікаў было двое. Ім удалося збегчы.

У лістападзе 2011 года Charlie Hebdo выпусціў нумар, галоўным рэдактарам якога быў абвешчаны прарок Мухамед. На вокладцы была змешчана карыкатура на прарока, які пагражае: «Сто удараў бізуном, калі вам не смешна». У рэдакцыйным артыкуле гаварылася, што часопіс такім чынам вырашыў адзначыць перамогу ісламісцкай партыі на выбарах у Тунісе. На наступны дзень пасля выхаду нумара невядомыя кінулі ў рэдакцыю выдання бутэльку з запальнай сумессю, у выніку чаго памяшканне цалкам згарэла.

Раней Charlie Hebdo выклікаў рэзкую крытыку з боку мусульман у 2005 годзе. Тады выданне перадрукавала з дацкай газеты карыкатуры на прарока Мухамеда. Супраць часопіса падалі пазоў за абразу мусульман, аднак праз два гады абвінавачванні знялі.

Каментары39

 
Націсканне кнопкі «Дадаць каментар» азначае згоду з рэкамендацыямі па абмеркаванні.

Цяпер чытаюць

Ніну Багінскую вызвалілі без пакарання, крымінальную справу спынілі1

Ніну Багінскую вызвалілі без пакарання, крымінальную справу спынілі

Усе навіны →
Усе навіны

Расійскія войскі маюць поспехі на Сумшчыне

Лукашэнка заявіў, што падзеж жывёлы ў Беларусі дасягнуў «гістарычнага максімуму»16

«Стрэл у спіну». Расія абвінаваціла Сербію ў пастаўцы боепрыпасаў Украіне1

У Парк высокіх тэхналогій прызначылі новага дырэктара1

Адышка ў Лукашэнкі цяпер ужо і калі ён гаворыць седзячы ВІДЭАФАКТ10

Матч футбольнай зборнай з-за кепскага стану поля перанеслі са стадыёна «Дынама» ў Барысаў

У Радуні на аўкцыёне прадалі будынак старой ешывы

«Рыхтаваўся да выезду, але не паспеў». Былога палітвязня паўторна затрымалі неўзабаве пасля выхаду з калоніі2

Расійскага «героя СВА» ў Стаўрапалі ўзарваў хлопец, з якім ён пазнаёміўся на рэсурсе для гей-знаёмстваў5

больш чытаных навін
больш лайканых навін

Ніну Багінскую вызвалілі без пакарання, крымінальную справу спынілі1

Ніну Багінскую вызвалілі без пакарання, крымінальную справу спынілі

Галоўнае
Усе навіны →

Заўвага:

 

 

 

 

Закрыць Паведаміць