Дэвальвацыя ад пачатку валютнага крызісу перавысіла 25%.
На Беларускай валютна-фондавай біржы ў рэжыме ручнога кіравання вызначаны новы курс даляра – 13760 рублёў. У параўнанні з мінулымі таргамі ён вырас на 7,5%, на 960 рублёў.
Гэты курс ад заўтра і будзе выстаўлены ў абменніках, бо, мяркуецца, валютны збор абнуліцца.
Пры гэтым новы курс пакуль не выглядае рынкавым — сёння попыт на даляры перавышаў $52 мільёны, тады як прапанова складала ўсяго $12 мільёнаў
Такім чынам, у параўнанні з датай прызначэння новага старшыні Нацбанка Паўла Калаўра афіцыйны курс даляра вырас на 26%, з 10900 да 13760 рублёў. Да ўніфікацыі курса і адмены ўведзенага Надзеяй Ермаковай валютнага збору заклікалі бізнэс-колы.
Курс еўра тым часам вырас да 16240 рублёў (рост склаў 940 рублёў).
Каментары