Зламыснік захапіў закладнікаў у краме кашэрных прадуктаў у ў 20-й акрузе Парыжа і патрабуе вызваліць братоў Саіда і Шэрыфа Куашы, якія падазраюцца ў нападзе на рэдакцыю часопіса Charlie Hebdo. Пра гэта паведамляе радыёстанцыя RTL.
У закладнікі захопленыя не менш за пяць чалавек. У ходзе перастрэлкі загінулі два чалавекі. Гэтую інфармацыю BBC News пацвердзілі ў паліцыі.
Паліцыя эвакуіруе мясцовых жыхароў у раёне Порт-дэ-Венсэнс, дзе ўзброены мужчына захапіў закладнікаў. Фота AFP.
Паводле інфармацыі паліцыі, злачынец — 32-гадовы Амедзі Кулібалі, мае дачыненне да забойства 8 студзеня супрацоўніцы паліцыі ў горадзе Манруж побач з Парыжам.
Паводле паведамленняў французскай паліцыі, зламыснік ўваходзіць у тую ж ісламскую групоўку, што і браты Куашы, якія ў гэты час заблакаваныя паліцыяй у прыгарадзе Парыжа. Па некаторых дадзеных, яны таксама ўтрымліваюць закладніка.