За ўхіленне ад службы ва Узброеных Сілах Украіны пагражае крымінальная адказнасць у выглядзе пазбаўлення волі на тэрмін ад 2 да 5 гадоў.
Аб гэтым паведаміў у ходзе прэс-канферэнцыі генерал-маёр, першы намеснік начальніка Галоўнага ўпраўлення абароннага і мабілізацыйнага планавання Генштаба Узброеных Сіл Украіны Уладзімір Талалай.
Паводле яго слоў, ухіленне ад воінскай службы ва Украіне з'яўляецца сур'ёзнай праблемай і будзе гэтак жа сур'ёзна карацца. «Заканадаўствам прадугледжваецца адказнасць. Калі грамадзянін адкрыта заявіць аб сваім нежаданні праходзіць воінскую службу, крымінальная адказнасць за гэта прадугледжваецца ад 2 да 5 гадоў пазбаўлення волі. За больш лёгкія парушэнні — адміністрацыйная адказнасць», — адзначыў Талалай.
Чацвёртая хваля мабілізацыі ва Украіне стартуе 20 студзеня, яшчэ дзве плануецца правесці ў красавіку і чэрвені. У ходзе мабілізацыі будзе прызвана амаль 50 тыс. чалавек.
Пад прызыў не падпадуць недзеяздольныя грамадзяне, шматдзетныя таты, тыя, хто даглядае недзеяздольных сваякоў, студэнты і аспіранты ВНУ дзённых форм навучання, а таксама свяшчэннікі.
8 студзеня міністр абароны Украіны Сцяпан Палтарак заявіў, што ў 2015 годзе можа быць мабілізавана амаль 104 тыс. чалавек, калі гэта будзе неабходна.