Дар'я (Дарка) стала самым папулярным дзявочым іменем у 2014 годзе, распавяла начальніца аддзела ЗАГС Гродзенскага гарвыканкама Галіна Казакова. Гэтае імя абышло Соф'ю (Зосю), якое было найбольш запатрабаваным у 2013-м, піша «Гродзенская праўда».
У дзясятцы самых папулярных імёнаў аказаліся яшчэ Настасся, Марыя, а таксама тая Соф'я і, далей, Ксеня, Паўліна, Валерыя, Мілана, Арына, Вікторыя.
Адзінкава сустракаліся Агнешка, Адэліна, Амелія, Апалінарыя, Бажэна, Віта, Дзіўяна, Ясенія, Ефрасіння, Марцаліна, Меліс, Афелія, Сафі-Марыя і Сафія-Меліс.
Тройка самых папулярных імёнаў хлопчыкаў — Арцём, Максім, Аляксандр.
Часта сустракаліся таксама імёны Мацей, Мікіта, Аляксей, Кірыла, Міхась, Уладзіслаў, Зміцер, Ягор ды Іван.
Адзінкава сустрэліся Лучазар, Марсэль, Мілан, Рычард, Рамуальд, Эдгар, Еўпацій, Елісей, Фелікс і Пятрусь.