Выбух у кватэры дома па вул. Ліможа ў Гродне адбыўся ўвечары ў нядзелю, паведамляе абласное ўпраўленне МНС.
Пра яго паведаміла гаспадыня кватэры. Да месца выкліку былі накіраваныя пажарныя разлікі, хуткая медыцынская дапамога.
112.by
Калі адбыўся выбух, усе знаходзіліся ў адным пакоі — маці прасавала, сын сядзеў за камп'ютарам, дачка глядзела тэлевізар. Выбуховай хваляй выбіла шыбы двух аконных праёмаў і міжпакаёвыя дзверы.
Як высветлілася, прычынай стаў аэразольны балончык. Ён стаяў у спальні на камодзе ля люстэрка.
Побач ля іконкі напярэдадні Вадохрышча паставілі свечку. Ніхто не думаў, што паступовая разгерметызацыя балончыка і запаўненне пакоя небяспечнай сумессю высокай канцэнтрацыі ў дуэце з агнём прывядзе да непрадказальных наступстваў.
Ніхто не пацярпеў.
112.by