Танкавая дывізія РФ на вучэннях. Фота минобороны.рф
Сакратар СНБА Аляксандр Турчынаў не выключае правядзення баявікамі ў бліжэйшы час наступальных аперацый.
Пра гэта ён заявіў па выніках паездкі ў зону баявых дзеянняў. Паводле яго слоў, сітуацыя вакол Данецкага аэрапорта застаецца найбольш складанай.
«Фактычна цалкам знішчаны новы тэрмінал, але нашы Узброеныя Сілы ўмацавалі свае пазіцыі ў раёне населенага пункта Пяскі і нанеслі ворагу серыю вельмі моцных удараў», — сказаў ён.
Паводле Турчынава, былі знішчаныя камунікацыі і транспартныя рашэнні, якія дазвалялі хутка падводзіць бронетэхніку фактычна пад сам аэрадром.
«Акрамя таго, сітуацыя стабілізаваная і на поўдні, там дзе напярэдадні была спроба прарваць нашу абарону ў раёне 31 і 29 блокпастоў», — сказаў ён.
Турчынаў дадаў, што пастаяннае павелічэнне ўздоўж лініі сутыкнення сіл і сродкаў праціўніка, «у прыватнасці, падцягванне на перадавую кадравых часцей Узброеных Сіл Расійскай Федэрацыі дае падставы прагназаваць правядзенне ў бліжэйшы час ворагам магутных наступальных аперацый».
Як адзначыў Турчынаў, галоўнае пытанне для ваеннага камандавання сёння — «не толькі ўмацаванне нашай абароны, але і рэалізацыя мер, якія павінны прымусіць ворага спыніць крывавыя правакацыі».
